今早老豆打畀我：「喂，今日係愚人節喎，你媽咪平時成日煩我地，不如我地夾計整蠱吓佢吖。」
哈哈！
雖然佢呢個提議幾搞笑同埋幾誘人，但係我好理智咁一嘢ban咗佢，因為我咁孝順，點會整蠱媽咪呢？
(扮嘢！)
好啦，講真話，係因為我怕我會有手尾跟。因為妹妹搬咗出去，老豆又因為工作關係，每星期只有3日係屋企，如果激嬲阿媽，咪得我一個人畀佢鬧？！結果被整蠱個個其實係我囉，我先冇咁蠢呀！
我將呢件事講畀同事聽，佢地都讚我老豆好搞笑和可愛喎 
(居然無人話佢想整蠱媽咪係唔啱的！？)。
無錯，我老豆係老頑童
，好少有正經的時候，有時真係畀佢激死又笑死！
對我老豆來講, 日日都係愚人節......
